காரைக்குடி அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனம் தனது மருத்துவ சேவைகளை விரிவாக்கம் செய்கிறது.முன்னேறிய சுகாதாரம் மற்றும் மருத்துவக் கல்வியை வழங்கும் தொலைநோக்கு திட்டம் வடிவம் பெறுகிறது என்று காரைக்குடி அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனத் தலைவர் திரு. வைரவன் இராமநாதன், இதய சிகிச்சை நிபுணர் மருத்துவர் அனிதா இருவரும் செய்தியாளர்களிடம் தெரிவித்தனர்.
மேலும் அவர்கள் பேசும் பொது: பொதுமக்களுக்கு உயர்தரமான, எளிதில் கிடைக்கக்கூடிய மருத்துவம், சிறப்பு மருத்துவ சேவைகள் மற்றும் மருத்துவக் கல்வியை வழங்குவதை நோக்கத்தைக் கொண்டு, அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனம் ஒரு முக்கியமான அடியை எடுத்து வைத்துள்ளது.
பொதுமக்களிடம் பெரும் வரவேற்பைப் பெற்ற இலவச மருத்துவ முகாம்
இந்த முயற்சியின் ஒரு பகுதியாக, ஆகஸ்ட் 3, 2026 அன்று நடத்தப்பட்ட பிரம்மாண்டமான இலவச மருத்துவ முகாம் பொதுமக்களிடையே மிகச் சிறந்த வரவேற்பைப் பெற்றது.
2,100-க்கும் மேற்பட்ட நோயாளிகள் முகாமில் பதிவு செய்து, சிறப்பு மற்றும் தீவிர சிறப்பு மருத்துவ நிபுணர்களிடம் இலவச ஆலோசனை பெற்றனர். மேலும், மருந்தகம் மூலமாக இலவச மருந்துகளும், பரிசோதனை சேவைகளும் நோயாளிகளுக்கு வழங்கப்பட்டன.
இந்த மருத்துவ முகாம் உடனடியாக தேவைப்படும் மருத்துவ சிகிச்சையை அளிப்பது மட்டுமின்றி, அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனம் வழங்கவுள்ள விரிவான சுகாதார சேவைகளை மக்களுக்கு அறிமுகப்படுத்தும் விதமாகவும் அமைந்தது.
பொதுமக்களின் இந்த திரளான பங்கேற்பு, இப்பகுதியில் சுகாதார சேவைகளை விரிவாக்கம் செய்ய வேண்டிய அவசியத்தை உணர்த்தியுள்ளதுடன், நிறுவனத்தின் வளர்ச்சியில் ஒரு முக்கிய மைல்கல்லாகவும் அமைந்துள்ளது.
புறநோயாளிகள் பிரிவு (OPD) சேவைகள் தொடக்கம்
வெற்றி கரமாக நடைபெற்ற மருத்துவ முகாமைத் தொடர்ந்து, அழகப்பா மருத்துவ புறநோயாளிகள் பிரிவு சேவைகள் தற்போது தொடங்கப்பட்டுள்ளன.
தற்போது பின்வரும் துறைகளில் மருத்துவ ஆலோசனைகள் வழங்கப்படுகின்றன:
பொது மருத்துவம் | பொது அறுவை சிகிச்சை | சர்க்கரை நோய் மருத்துவம் | காது மூக்கு தொண்டை (ENT) பிரிவு | குழந்தைகள் நல மருத்துவம் | தோல் நல மருத்துவம் | பல் மருத்துவம்
மேலும், பல்வேறு சிறப்பு மற்றும் தீவிர சிறப்பு மருத்துவ நிபுணர்களின் ஆலோசனைகளும் நோயாளிகளுக்கு கிடைக்கப் பெறுகின்றன.
புறநோயாளிகள் பிரிவு சேவைகள் வாரத்தின் 7 நாட்களும், காலை 9:00 மணி முதல் இரவு 9:00 மணி வரை செயல்படும். இதன் மூலம் வாரத்தின் அனைத்து நாட்களிலும் பொதுமக்கள் தங்களுக்குத் தேவையான மருத்துவச் சேவைகளைப் பெற முடியும்.
மருத்துவமனை மற்றும் மருத்துவக் கல்லூரி — அடுத்த கட்ட வளர்ச்சி
புறநோயாளிகள் சேவையின் தொடக்கம் என்பது மிகப்பெரிய தொலைநோக்கு திட்டத்தின் ஆரம்பமே ஆகும்.

தேசிய மருத்துவ ஆணையம் (NMC) மற்றும் தேவையான அரசு சட்டப்பூர்வ ஒப்புதல்களுக்கு உட்பட்டு, வரும் ஆண்டில் அழகப்பா மருத்துவ அறிவியல் கல்லூரியைத் தொடங்கும் திட்டத்துடன், அழகப்பா பலநோக்கு மருத்துவமனை ஒரு முழுமையான மருத்துவ நிறுவனமாக உருவாக்கப்பட்டு வருகிறது.
மருத்துவக் கல்லூரி ஒப்புதல் பெறுவதற்கான தயாரிப்புகள், கட்டமைப்பு வசதிகள் மற்றும் பிற தேவைகளை பூர்த்தி செய்யும் பணிகளில் நிறுவனம் தற்போது தீவிரமாக ஈடுபட்டுள்ளது.
மருத்துவம், கல்வி மற்றும் சமுதாயப் பணியை நோக்கமாகக் கொண்ட ஒரு மருத்துவ நிறுவனத்தை உருவாக்க வேண்டும் என்ற டாக்டர் அழகப்பா செட்டியார் அவர்களின் வாழ்நாள் கனவை நனவாக்கும் வகையில் இத்திட்டம் அமைந்துள்ளது. இன்று, அந்த தொலைநோக்கு பார்வை படிப்படியாக உருப்பெற்று வருகிறது.
இத்திட்டம் முழுவதையும் தலைவர் டாக்டர் இராமநாதன் வைரன் தலைமை தாங்கி நடத்துகிறார். மருத்துவ இயக்குநர் டாக்டர் அனிதா இராதாகிருஷ்ணன் மருத்துவ சேவைகள் மற்றும் நிறுவனத்தின் எதிர்கால மருத்துவ திட்டங்களை வழிநடத்துகிறார்.
அடுத்த கட்ட திட்டம்: அதிநவீன இருதய சிகிச்சை மையம்
அழகப்பா பலநோக்கு மருத்துவமனையின் அடுத்த கட்ட வளர்ச்சியாக ஒரு முழுமையான இருதய சிகிச்சை மையம் (Cardiac Center) நிறுவப்படவுள்ளது.
திட்டமிடப்பட்டுள்ள இந்த மையம், முதன்மை தடுப்பு நடவடிக்கைகள், ஆரம்பகட்ட நோயறிதல், மேம்பட்ட பரிசோதனைகள், மருத்துவ சிகிச்சைகள் மற்றும் இருதய அறுவை சிகிச்சைகள் வரை அனைத்து விதமான இருதய பராமரிப்பு சேவைகளையும் வழங்கும்.
காரைக்குடி மற்றும் சுற்றியுள்ள பகுதிகளைச் சேர்ந்த நோயாளிகள், நவீன இருதய மருத்துவத்திற்கு தேவையான அனைத்து சேவைகளையும் தங்கள் பகுதியிலேயே எளிதாகப் பெறுவதை உறுதி செய்வதே இதன் நோக்கமாகும்.
எதிர்கால விரிவாக்கம்: முழுமையான புற்றுநோய் சிகிச்சை மையம்
இருதய சிகிச்சை மையத்தின் உருவாக்கத்தைத் தொடர்ந்து, இப்பகுதியில் மேம்பட்ட சிறப்பு சுகாதார சேவைகளை மேலும் விரிவுபடுத்தும் நோக்கில், ஒரு முழுமையான புற்றுநோய் சிகிச்சை மையத்தை (Cancer Center) தொடங்கவும் நிறுவனம் திட்டமிட்டுள்ளது.
தற்போது தொடங்கப்பட்டுள்ள புறநோயாளிகள் சேவைகள் மற்றும் எதிர்காலத்தில் வரவிருக்கும் மருத்துவமனை விரிவாக்கம், இருதய பராமரிப்பு, புற்றுநோய் சிகிச்சை மற்றும் மருத்துவக் கல்வி திட்டங்களுடன், அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனம் மருத்துவம், கல்வியியல், தொழில்நுட்பம் மற்றும் சமூக சேவை ஆகியவை ஒரே இடத்தில் இணையக்கூடிய ஒரு முழுமையான நிறுவனமாக வளர்ந்து வருகிறது.
அழகப்பா பலநோக்கு மருத்துவமனை மற்றும் மருத்துவ அறிவியல் நிறுவனம்
சுகாதாரத்தை மேம்படுத்துதல். எதிர்காலத்தை உருவாக்குதல். சமுதாயத்திற்கு சேவையாற்றுதல் என்பதே நம் முக்கிய இலக்கு என்றார்கள்.

செய்தி & படங்கள்
சாய்தர்மராஜ்